受保護的文章：* korea *

該內容受密碼保護。如欲檢視請在下方輸入你的密碼：

密碼：

Tron Legacy

多謝Brian嘅戲飛. 今日同Rain睇咗Tron Legacy – 創戰紀.

人類同電腦打仗都唔係新嘅題材, Matrix, Terminator 大家都知. 人總係覺得自己會打嬴, 我就覺得唔會.

睇完Tron, 心入面有個疑問 – 點解啲電腦世界成日都黑沉沉, 又閃晒電. 唔可以係其他效果嫁咩?! Disk game, light cycle match 好剌激. Kevin直頭係Grid入面嘅Death Vader, Sam 就有啲廢廢地. 同埋Grid入面嘅Programs 都要溝女浦Bar(Matix又係…), 呢啲算唔算係現實嘅ad program, 冇用又浪費資源 XD. 同埋入面嘅乞丐… 怪怪地.

用Tron 做主題嘅產品好型, 特別係iphone dock speaker 同埋遊戲機手掣 (發光手掣@_@)… 不過貴到pk… keyboard同mouse 就普普通通, 因為已經用Star Craft出咗一套喇.

好期待有一日大家係拎住支掍仔, 跑兩下, 跳起, 就有一架light cycle變出嚟…

深水埗(土步)劉森記麵家

某天, 放工後帶著Rain到處遊蕩… 最後來到Rain最怕的深水埗 – 不但多人食煙, 而且還有高登, 黃金這兩個商場. 每次我路過, 都要入去走幾轉. 邊說不買game又不停格價… Rain說係可以買, 只是不可以買有"P" 和"G" 字做第一個字的東西… wah…. PS3, GT5… 連高達無雙也因為Gundam 由"G" 開始也不能買… 這不是高達無雙3, 是3高達無雙 , 3字是第一個字, 英文是"T"hree 啊~~~~ hahahahaha

好喇其實係今次係想講呢間蝦子麵麵家, 每人消費約$30 – $50. 極力推介牛腩牛根蝦子麵, 十分好食!!! 而且仲有支裝汽水, 正! 不過地方十分細, 建議先食麵, 然後先去高登, 黃金買嘢. 另外麵家內有一隻貓, 超懶, 成日"呢"埋(我知係錯字, 不過唔記得點寫)喺枱同櫈底, 影唔到.

X’mas

yeah! merry christmas to everyone.

多謝Rain買聖誕禮物送俾我. 正呀! 係多圖小字冇格仔嘅書… 基本上係唔使睇字. 大家唔好誤會, Rain唔係(未… XD)送日本水著寫真, 而係一本… 應該叫相片集, 藝術相片集?!?! 開始亂黎… 本書叫 " LITTLE PEOPLE IN THE CITY – The street art of Slinkachu " [ISBN – 9780752226644], 自己google一下, 又或者click " here “.

每張相都有一個故事… 如果我冇搞錯(廢話), 相入面嘅公仔, 造型, 上色, 攝影… 都係同一位artist搞掂晒. 我未睇intro, 因為有好多字… 封面好有趣, 係個封面吸引咗我(叫Rain)去買呢本書. 立體, 平面, 不同比例, 幾樣簡簡單單嘅物件放埋一齊, 影張相變成一個故事. 雖然有啲個故事都幾慘, 但係睇完本書成個人精神曬 🙂 多謝Rain 🙂

我真係唔睇(有字嘅)書, camera / game menu除外, 一揭開就好快瞓… 所以都係睇冇字嘅書開心. 我可以左揭右揭, 點睇都得! 我知人哋排版係有佢嘅次序, 不過我點睇都唔太影響到成本書個內容嗎 😛

我唔希望出書, 只係想去影一系列嘅相出postcard. 想將我眼入面嘅香港話俾其他人知. 成日都係山頂, 尖咀, 假帆船… 會悶嫁…

2D小人國大冒險

竟然再寫, 今次仲要係寫睇戲… 大家唔好咁認真, 不過歡迎留言.

放聖誕假, 唔知做乜好, 喺Rain提議之下去咗數碼港睇小人國大冒險. 大家睇到我個標題寫2D 就知道套戲"唔夠3D". 同阿凡達比較真係差好遠. 最有3D較果嘅, 就係開頭READ D 3D, 同埋Ice Age個段. 始終CG 係唔同啲. ohhhhh Ice Age真係好正, 夠簡單! 同一個story可以玩好多次, 勁!

今次嘅小人國, 加入咗唔少"現代"情節…溝女, 打機, 唱歌, 工作失意… 唔係咩新野, 不過加埋落小人國度都幾有趣. 另外Gulliver 好識嘆 (衰啲講係仆街), 睇到半路已經覺得佢係去咗奴隸國. 當然, 叫得現代版, 梗係會有電子產品登場… 有好多apple 產品出現, 勁賣廣告(乜3GS防水防沙防撞咁勁嘅?!)… 人地賣廣告都賣得自然啲嘅. 淨係罐可樂都已經好正.

另外值得留意嘅係玩布公仔嘅小女孩, 一個字: “好靚"

眼瞓, 等我醒啲再update.