***MORE about me***

我一路發夢一路都有好多嘢諗到, 想喺度打晒出嚟. 無奈我記性太差, 一陣就唔記得, 自己又勁懶, 完全唔想寫低. 打咗一大段, 覺得唔啱, delete咗. 我自己好唔鍾意小朋友, 因為見到好多小朋友都好煩, 好討厭, 好嘈. 我自己細個嗰時都成日喊, 勁煩, 一啲都唔可愛. 到小5小6嘅時候乜都話唔好唔鍾意. 而家搭車見到小朋友, 一係就踩到人扮冇嘢, 一係嘈到仆街, 我帶住eyephone都聽到佢叫喊, 再唔係就走嚟走去. 有時我覺得自己好過份, 做小朋友係一個成長必經階段, 自己過咗就去討厭人哋, 不過真係令我好心煩, 不論香港定內地定外國小朋友, 起碼有一半機會係令我覺得討厭.
認真, 我成日都太過認真, 未必係工作上太認真, 而係一啲感情事或者一啲瑣碎事… 自己唔開心又搞到人哋都冇癮. 受害者通常都係女朋友之後就係屋企人. 試過令自己放鬆唔好理, 有時明知係一啲"笑話", 但係我一聽到就會話一啲都唔好笑. 我女朋友成日話我唔好玩. 我真係唔好玩, 細個成日喊都係因為唔好玩, 唔想比人玩, 唔鍾意咁玩. 人大咗, 想自己揀唔玩, 咩時候玩都得呱. 有時我知到有啲事係可以輕鬆啲去處理, 有啲可以唔理, 但係自己成日都唔識分輕重. 或者我係一個壞嘅磅, 得零同一. 暑假, 放假, 學校多咗好多人嚟影相. 我做嘢嘅office喺1941年落成, 係紅磚屋, 好多人嚟影婚紗相, cosplay相. 通常都喺我門口影, 住正喺中間影… 同我一齊返HKC嘅人都知我會點做. 不過, 今次有啲唔同, 學校有啲地方係open area, 咩人嚟都得… 但係影相影到阻住晒我就唔得. 如果有人係我門口影婚紗相, 我係絕對唔會理佢係唔係影緊相照行過. 影cosplay嘅攝影師我梗加唔會理, 有時佢地係嘈到我喺房都聽到佢地講咩. 最後係要出去叫佢唔好嘈, 唔係細聲啲. 有一次有一對cosplay喺office對出空地正門放咗張紅布, 坐喺上面有晒pose咁影, 公園呀? 又過去叫佢行埋一邊lor.
我唔多同屋企人傾計, 最多都喺同細佬傾一兩句. 阿爸阿媽唔明我做乜, 講咗又唔明, 佢哋望住都唔會明. 我懶, 有時唔想講咁多, 因為一講多一兩句阿媽又叫我去考政府工. 要做, 我一早做咗啦. 我一定做lasik之後考埋警察(或者其他啦…), 唔係而家先去做. 自私嫁, 多數都係由自己做中心, 之後先諗其他人.

打住咁多先… 個人好攰

廣告

4 回應 to “***MORE about me***”

  1. […] a new page – more about me add a new page. have a look. https://royccm.wordpress.com/more-about-me/ […]

  2. 「細個成日喊都係因為唔好玩, 唔想比人玩, 唔鍾意咁玩. 人大咗, 想自己揀唔玩, 咩時候玩都得呱. 」
    ……我從來都無諗雊玩你…只係…你知道,我份人比較直腸直肚,諗到咩就講咩,想問就問,唔係想你難受,只係想知你諗乜,了解你多o的…

  3. 你有火喎…

  4. 我?佢?你? 你應該冇乜火啦…
    我唔係有火, 係有時自己唔明, 抆抉地.

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

 
%d 位部落客按了讚: