About Me (11 Aug updated)

諗咗好耐都唔知"About Me"要寫啲乜, 要介紹自己比你地認識,係唔係可以一兩句就做到呢…

一九八二年香港出世,男,成日發呆發白日夢,差啲發埋霉。鍾意周圍行影吓相,打機打波係唔鍾意打字。諗多過做,連講都費事…做決定慢半拍…甚至更慢(有睇我影既人像相就知),冇表情,冇幽默感,唔識講笑…等等。

工作經驗︰F5暑假做過數碼相機sales(中學同學介紹,已經係99年嘅事,做唔夠一個月就辭工),又試過喺會展做散工。之後IVE嘅同學介紹我去圖書館做technician,一做就做咗三年幾(因為要交final project辭工)。第四份工係喺香港電台TeenPower做cameraman,期間認識到Xebec Media嘅同事,一年之後就去咗Xebec做PA。暫時正處於休眠狀態。

小學︰祖堯天主教小學上午校(88-94)

中學︰東華三院陳兆民中學(94-99)

香港專業教育學院(葵涌分校,99-00) / 香港專業進修學校(03-04)

*我嘅中文"比較"差,大家發現有白字就話聲我知。

—–
又update下先…
今年終於係過農曆年之前係大學開工. 雖然由12號改為19號開工, 但係都好過冇工開. 今次真係要多謝家豪既幫助:) 好喇, 正經d先. 而家係香港大學既新聞及傳媒中心做Lab Assistant. 主要係管理學生所借用既攝影器材, 另外仲會幫手拍攝同剪接, 而且仲有得用Mac Book Pro. 係大學工作真係唔錯, 好靜, 冇貨車, 係得d學生嘈…

16 Random Things About Mr. Roy Ching :
https://royccm.wordpress.com/2009/02/03/16-random-things-about-me/

—–
2nd update… 6 May2009
覺得身體比之前好咗, 腳已經冇咁痛, 好想打返波, 游吓水…以前唔想游水, 不過發現游水對腳同背脊嘅負擔好似冇咁重, 所以都要去游. 對事嘅睇法有啲轉變, 覺得做人可以輕鬆啲, 懶啲, 唔可以成日太認真. 例如…
1.可以hea住打波 – 慢步走籃, 唔跳"搶"籃板, 射3分 airball
2.打gears of war做忍者龜, 唔開槍唔救人, 淨係take cover, 不過一定比人"小"
3.放工之後就真係要放工 – 放低工作唔好諗唔好理.
4.呢樣好重要… 就係唔沖涼走去瞓覺… 早抖喇咁多位 hahahaha

—–
3rd update… 11May2009
今日再睇吓呢篇所謂嘅About Me, 真係好亂, 不過冇所謂啦, 我自己都係咁上下.
其實今次嘅update係想講吓自己嘅脾氣, 有好多嘢想話比你地知, 不過睇吓自己可以打幾耐啦… 今日好鬼攰~

我講嘢好直, 即係唔識講嘢. 好多人聽到都覺得我串緊佢, 唔比面佢, 其實我一路都唔係想串人定係要威先咁講. 只係覺得轉咁大個彎, 又煩又要諗, 真接啲, 起碼唔使煩到自己. 試過有因為我嘅"回答"而引起誤會…

1. 當時我係中央圖書館做技工, 有一晚要OT試吓MMIS, 我要做嘅只係根據手頭上嘅list一個一個keywords去search, 睇吓有冇問題. 當時係有一位助理館長羅輪絲, 負責睇住我嗰邊嘅組員. 而我要search嘅係一埋歌, 用歌名, 歌手咁search… 一路做test都冇乜嘢, 直到羅輪絲問我「喂!啲歌仔點呀…」我唔多記得佢問咩喇, 不過都仲記得我自己答「咩歌仔呀?!」羅輪絲跟住就收咗聲冇再問我嘢. 其實我只係想問佢咩歌, 因為我search緊歌… 啲同事就係度笑… 話我串羅輪絲.

2. 今次都係圖書館誤會事件, 不過就發生係青衣… 今日諗返都覺得自己係有少少唔啱. 當時都係一名技工, 有人… 係一名C9, 問有關電腦班嘅資料, 咁我就答佢啦. 點知點完之後就比人投訴, 先話我黑面, 之後仲話我兇佢… 好彩館長信我, 最後仲好完滿咁解決… 同我熟嘅朋友都知我個樣一向都係咁呆, 冇表情, 仲有少少惡, 不過我都係第一次聽到話我兇人… 解答讀者問題變咗兇人… 唉!

咁我都認自係有時係好惡, 由其是不耐煩同埋對住啲唔熟嘅人, 就會更加唔好脾氣… 以前會喪爆粗, 而家少咗, 不過都會, 好彩暫時大學嘅同事都唔知… hahahaa

—–
4th update… 11Aug2009
原來上一次update已經係5月嘅事… 真係耐. 今次又有咩講呢…
中學讀書時, 因為睇咗二千年之戀而覺得金城武好有型, 好靚仔. 最鍾意佢長頭髮!
讀IVE嗰陣, 唔記得係邊度知到有深田恭子呢個人, 都覺得佢幾ok… 仲買咗一隻single. 不過我唔識日文… 其實買嚟做咩?
喺上面都有提過我好鍾意周圍行影相, 發白日夢, 其實我好唔鍾意諗嘢, 最好唔好問我問題. 最開心就係喺街睇吓,望吓, 望真啲自己周圍嘅環境. 好想有一個月唔使做, 唔使煩, 出街影一啲我眼中嘅香港, 然後去做postcard. 呢個postcard project, 諗咗好耐… 但係冇做過… 不過, 近排我玩緊砌相, 希望都可以用嚟幫手整postcard啦. CLICK CLICK CLICK
仲有要戒講粗口先得… 不過一開機打就真係好火滾. 明明打機係想放鬆吓, 點知越打越緊張… 好白痴

廣告

5 回應 to “About Me (11 Aug updated)”

  1. i found it hard to write about me as well…

  2. …..睇o左好多次,都唔知可以寫o的咩好…..唔…其實你都寫得好好o架喇,不過你漏o左mention你「好愛恨分明、識朋友只信直覺」o既一點!!

    p.s. 咁樣算唔算留o左言呀?哈哈哈哈~實比你打死~

  3. I Love You ar Babe~:)

  4. 做人輕鬆啲其實都係好o既,放工之後有咩都唔好煩啦,成日皺眉頭,我會心痛o架~乖~~ 🙂

    你隻污糟豬……不過我有時都係 :p

    p.s. 點解你成日打錯字?
    遊吓水 – 「游」
    對事嘅睇發 – 「法」
    放底工作 – 「低」

  5. 你呀!成日都打錯字,仲要話係特登打錯添….
    擺明就唔係啦~ :p

    其實我同你真係半斤八兩,情緒化之餘,o的脾氣都幾差….黑面啦、講o野晦晦氣氣啦…不過我地個人其實無乜點,真係唔識俾我地嚇死,識我地就笑死呀!:)

    錯字時間:
    真接啲 – 「直」接o的
    我要search嘅係一埋歌 – 一「堆」歌
    由其是不耐煩 – 「尤」其是

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

 
%d 位部落客按了讚: