停課都有優惠

咁病有冇優惠先… 因為病而要停課同隔離, 我去樂園玩又會唔會唔招呼我嫁?! 未病發, 去到玩先嚟病, 你會唔會告我嫁?

H1N1, 已經有人因為呢種病菌而死亡, 照咁睇, 佢都唔係流嘢. 當大家因為佢而要停課, 係屋企隔離, 迪士尼竟然係呢個時候出手, 向學生提供"優惠"… 小朋友知道咗呢個消息, 好自然都會同阿爸阿媽講"我要去迪士尼", 唔知又有幾多關心子女健康嘅家長, 會送佢地去樂園開心死, 大家睇吓新聞會唔會訪問到啲痴孖根家長啦.

其實一有流感, 去人多嘅地方一定好易中招, 仲要去樂園玩. 撘車去人又多, 去到玩又一樣多人, 小朋友攬隻幾萬人都攬過嘅公隻影相,  玩機動遊戲又要用手揸實, 出汗又用手抹, 仆街之後喊又用手抹眼淚… 成日係度玩, 你可以幫小朋友洗幾多次手. 再衰啲排隊嘅時候有人喺附近咳, 咁樣染病真係抵撚死.

迪士尼嘅員工又可唔可以帶住口罩去招呼佢地呢? 大佬, 打份工又唔係搵得多… 仲要同你搵命駁?

多樹, 空氣清新啲, 我就唔信外國啲樹多唔過你迪士尼. 近距離向住你打乞嚏,  空氣清新啲就唔會有機會傳染咩? 雖然而家嘅新聞都係唔可以盡信, 但係聽到呢個嚟得咁合時嘅優惠消息, 真係忍唔住要打幾句. 將危機變做商機, 真係頂你唔撚順…

Yahoo! 新聞 – 明報 “迪士尼推出6月停課優惠"


14 June update:
搵到另一位wordpress用戶, 亦都對迪士尼作出批評:
強烈譴責香港迪士尼發港難財!
by 飲者@wordpress.com

廣告

~ 由 royccm 於 11 六月, 2009.

一個回應 to “停課都有優惠”

  1. 算啦!我對迪住尼已經無期望o架啦!

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

 
%d 位部落客按了讚: