超能力

超能力唔係人人有, 有嘅都可能比人足人捉咗去青山, 或者比人開咗腦都唔定. 我係一個正常人, 咩能力都冇(暫時). 不過我讀小學嘅時候真係試過幾次夢見幾日之後發生嘅一啲事… 雖然唔係咩大事, 不過我到而家都仲記得…

第一次, 係夢見屋企夜晚食咩餸. 嗰時仲住喺葵芳, 見到枱面上有一罐豆豉鲮魚. 唔知係阿爸定阿媽一夾就跌一舊喺枱喇.

第二次, 係夢見自己小息嘅時候去買著片食, 係卡樂B, BBQ味, 咁我開咗之後又請其他朋友仔一齊食吓咁. 其中有一位叫吳柏基嘅同學竟然跌咗塊著片落地. 跟住就醒一醒, 之後又瞓返. 又係跌嘢…

其實大家當我無聊吹吓水就得嫁喇, 唔好太認真, 不過認真地留吓言, 對我嚟講都係一件好事.

我好想自己可以飛, 因為可以周圍去, 唔使比錢搭車, 唔使行固定路線, 又唔怕塞車. 如果飛得快仲可以遲啲先起身返工返學. 識埋瞬間轉移就正喇. 點解呢, 近, 行或者飛都得啦, 做咩要瞬間轉移, 又唔係咁趕. 瞬間轉移最正就係出咗門口先發現自己漏咗嘢, 可以即刻拎返, 勁呀~~~

廣告

~ 由 royccm 於 1 四月, 2009.

3 回應 to “超能力”

  1. 點解你發夢,兩次都係同食有關o既?….唔通你真係為食ching?? 哈哈~ 我都係一瞓就必定會發夢o既人,所以你講o既呢o的情況我都試過呀~~不過當然其實大部分夢景,瞓醒就會唔記得啦~咁仲好呀,事關次次發夢都係惡夢多,唔記得仲好啦~~

    至於飛….咁我又無諗過要飛喎!因為我唔鍾意雀鳥類…唔想同佢地有咩接觸!反而好想可以瞬間轉移呀!咁去旅行咪唔駛$$囉!!正!又唔驚返工返學約o左人會遲到啦~幾好~~
    「瞬間轉移最正就係出咗門口先發現自己漏咗嘢, 可以即刻拎返, 勁呀~~~」 o岩晒你啦~你咁鬼大頭蝦~~呵呵~ :p

    問問題時間~
    1. 「比人足人捉咗去青山」?

  2. 正又打錯字.
    飛… 係好似龍珠入面啲人咁飛, 應該會會同佢地有咩接觸…

  3. 正?真係咁正咩?! 你又打錯字啦~ :p

    「應該會會同佢地」??

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

 
%d 位部落客按了讚: