im back~

勁懶, 有兩個星期冇update. 其實係咁既… 3月第一個星期真係懶所以休業一星期, 而跟住既一星期就因為我去咗旅行而冇update到.

9-13 Mar, 我同Rain, Jofa & Vivian4個去蘇梅旅行, 全程都係陽光海灘飲食瞓行買… 仲有喺海上面浮咗個幾鐘. 旅行詳程唔多講喇, 大家自己去webshots睇相啦, 暫時唔係太多相upload上去, 因為有d相未過電檢… ummm我想話比大家聽, 我終於喺蘇梅搵到藍天白雲, 藍色海水, 180度全海景… 先講下個天 – 去之前嘅一日, 上網睇天氣預報, 話成個星期都會落雨, 一睇到跟刻小喇叭佢… 去到又冇落過雨, 個天好清, 雲唔多, 不過全部都係白色嘅. 夜晚個天一樣咁清, 可以睇到好多星. 到海喇… 香港嘅"海", 我有印象都係綠色, 我地理唔好, 唔知係地區問題定係污濁到咁, 我永遠都見唔到海底(好耐之前係海下d水都仲見到… 好似我小學既時候同屋企人去度假). 但係蘇梅個海係藍色, 好清, 我去玩浮潛都可以望到海底, 珊瑚, 魚, 石頭(我深近視, 冇con, 我估海底離水面大概4-5米啦). 不過都因為我水性唔好, 又冇眼鏡, 都唔敢去咁遠. 180度全海景(真係得海同天)… 我終於明白點解望到海嘅單位會咁貴… 望住成個海個感覺真係好舒服. 我有影過海景相, 去望吓啦.

end of part1

仲有嘢講, 就係搭車. 好多人去蘇梅旅行, 多數都係租電單車, 其次係Jeep. 好似我呢啲唔識揸車嘅, 唯有搭車啦. 大家都知講價係必須, 不過講完價, 車費都係貴. 有部份的士司機見你係遊客, 就一定會開價一倍. 咁當然劈佢一半啦. 有時我會見到啲司機黑面(佢地.. 本身都黑), 不過我都唔多理佢. 有一次我同Rain想出去沙灘, 但係的士唔肯減價, 咁就唔會上車啦. 咁啱有香港嚟嘅朋友又出去沙灘, 話順便車埋我地. 跟住個司機就開口鬧人喇… 食嘢呢, 大家要試吓車仔檔嘅印度pancake, 配類有九成都係香蕉, pancake皮係趣嘅, 價錢都只係$40泰銖, 都唔使$10港紙. 不過麥當勞同其他快餐店就比香港貴.

我諗起咩就update吓… 辛苦大家. 由香港上機嗰時見到錢+樂, 我同Jofa都見到, 同佢打招呼都以微笑回應 🙂 同機都見到爾冬升, 不過就冇叫佢喇. 另外又撞到"小野尖"喎… 我衰格就一向都係, 不過真係要講句"你咩料呀?!" 你放假唔想人煩你, 我都明白. 不過話晒你都叫做係半個artist啦, 使唔使見到香港人好似見鬼咁. 又冇人大叫同你合照簽名, 又冇人影你, 大家都知你係邊個, 見到人仲要帶帽帶超… 一個微笑唔係好難jei. 不過算啦… 我一向都唔鐘意7 head.

廣告

~ 由 royccm 於 16 三月, 2009.

4 回應 to “im back~”

  1. 哈哈哈,你打blog o個時梗係好眼訓……勁多白字呀,又有o的唔知你講乜咁….:p

    o的相梗係要過電檢啦,我為你地好咋!!
    費事睇完要洗眼就唔好啦~~:p
    不過Samui個藍天碧海真係正到爆!有時中文o的字真係好到位,一個「碧」字已經講晒一個真正o既海應該係咩顏色!唔係藍唔係綠,係「綠中透藍,藍中見綠」o既「碧」先o岩呀!係通透得o黎清澈o架!所以就算俾o的陽光曬到燶o左我都係咁去游水,你幾何見我咁好動o架?!
    5日其實真係好短…..好想再去過呀!
    我要買蚊怕水同Aloe Gel呀!

  2. wahahahaha~ yeah, wanna go again~

  3. 真係開心!!我都想去玩><
    4月10號得閒就出席!!
    http://www.facebook.com/events.php?ref=sb#/event.php?eid=68848636356

  4. 蚊怕水咁重要… 我一定會再去買既~~~

    haha 好耐冇去踩單車… 希望仲識踩啦

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

 
%d 位部落客按了讚: