Ivan The Kozak

早排同Jofa提過要幫Rain整labtop, 換harddisk, 順便想加埋Ram, 咁啱佢有多Ram, 咁就梗係約佢出黎拎, 跟住食埋飯啦. 我地都叫埋Vivian, Rain出黎. 我一放二就去H&M搵Rain:) 之後再係IFC同Vivian會合. 本來我提議去食墨西哥菜, 但係行左一陣都搵唔到, 一係我記錯, 一係佢摺左, 最後都係放棄… 行返落去個時Jofa見到有一間俄羅斯餐廳, 叫我地一齊去試下. 我同Rain都未試過俄羅斯菜, 而且又見到有"正宗羅宋湯", 仲話全部都冇用味精, 好吸引咁, 於是都係入左去. 一開門見到成間餐廳都係得4張枱有人, 希望係因為今日係星期一啦. 另外我見到佢既裝修好特別, 我未去過俄羅斯, 唔知係點, 不過我覺得燈光好好, 唔會太暗.

我自己完全唔知想食咩, 淨係知道要order羅宋湯 😛 另外既野由3位負責. 頭盤10分, 係俄羅斯刺身. 其實係凍食煙3文魚, 白雪魚(好似係叫白雪魚). 白雪魚真係超正, 我唔多食魚都覺得好好食, 4個人食份量啱啱好!  之後有忌廉蘑菇加俄羅斯西多(個名我改既) 先講西多, 細細塊, 又唔多油, 加埋忌廉蘑菇一齊食都唔錯! 而忌廉蘑菇食完唔會覺得頂胃, 又切晒片, 一啖可以食到好多菇 hahaha. 第三樣就到涉喇, 有辣肉豆湯(Jofa), 羅宋湯x2(Vivian & Rain). 辣肉豆湯有啲似泡飯, 冇試唔知咩味. 羅宋湯真係唔好用香港飲到既羅宋湯比較, 因為係兩樣野黎. 我唔知咩係正宗, 但係呢度飲既羅宋湯, 飲完唔覺得口渴, 唔多油, 唔咸, 好多蕃茄! 主菜有豬牛雞 – 我唔多記得係咩名… 煎豬柳(75分), 酥皮牛(90分), 炸雞(65分). 煎豬柳比我第一個感覺好似越南菜既香葉包雞, 唔係味似, 係賣相似. 味道一般, 唔濃味. 酥皮牛, 酥皮同牛既關係… 就好似酥皮海鮮湯咁. 牛好正, 整到好牛腩咁, 好香好有味, 分量就少啲, 不過都夠既. 雞… 有啲怪. 味道我覺得ok, Rain&Vivian就覺得酥. 怪既地方係唔明佢點整到件雞成件復活蛋咁… 餐廳有live band, 聽既係俄羅斯電台, 飲既係俄羅斯Vodka, Ivan老闆話廚師都係俄國人. Ivan老闆仲請我地入雪櫃飲Vodka, 又幫我地影相. 入雪櫃真係, 真係要著皮褸… 我都係第一次飲Vodka, 又幾ok wor, 無想像中咁勁. Rain飲完就話好眼瞓, 睇黎40%對佢係太多喇.

你地試過一晚聽晒一個人既大半生未丫? 我今晚試左 😛

Ivan The Kozak – Old Eastern European Cusine (Ukrainian, Russian)
LG/F 46-48 Cochrane Street, Central, Hong Kong

廣告

~ 由 royccm 於 24 二月, 2009.

3 回應 to “Ivan The Kozak”

  1. 我一見篇文就第一時間心諗: 「嘩~好長呀!」估唔到你今次寫咁多…哈哈~好開心呀~錫~

    睇完….唔~加o左ram果然快o左好多~
    多謝你呀Jofa~~~
    我都覺得呢間餐廳幾正,值得再去呀~~~
    o的份量o岩o岩好,而且味道都幾好,係o個個炸雞真係好麻麻…不過個羅宋湯真係好正,特別係湯上面o既sour cream,為清甜o既味道添上少少酸味作為靈魂,大家真係一定要試下!
    至於老闆Ivan都幾好客o架!….雖然我覺得佢有少少長氣….=__="哈~但係佢請我地飲o既俄羅斯Volka真係好醇,完全唔乸喉,滑落喉嚨o個一剎那暖暖地,感覺好特別,真係幾好飲呀!

    老友,不如下次再一齊去啦~:)

    p.s.
    我一放二 – 放工呀!
    第三樣就到涉喇 – 係「湯」呀~

  2. 勁wor自己加ram. 多左成G ram梗係快啦,部機又啱啱reinstall過. 究竟係Vodka定Volka?

  3. hahaha, Vodka a, hahhahahahhaha~

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

 
%d 位部落客按了讚: