16 Random Things About Me

係Facebook見人到好多朋友都有打, 知多咗少少關於佢地既事同睇法. 我都有打嫁, 不過係到再post多次, 又順便解釋吓. 一來等你地又認識我多啲啲, 二來又可以update吓個blog… 因為有時真係唔知打咩好.

1) 中文差, 仲要成日打錯中文字

仲記得中一既時候第一次中文測驗, 見到份卷都已經想死. 唔記得幾多分喇, 不過有印象係合格. 合格都好難得, 因為我5年中學入面既中文既測驗考試都係肥佬, 我估佔咗8至9成. 咁都要同你地講唔係覺得自己勁, 係因為我讀書既方法同答題技巧都好差. 背又唔記得, 抄又冇乜用… 試過寫成張紙都係得2分. 成份卷夾埋都唔到30分… 100分滿分呀大佬. 唉… 好彩會考都有個E, 唔係就大檸樂.

2) 有一次出完街返屋企, 換衫嘅時候, 發現牛仔褲條拉鏈"cake"住咗, 拉唔開, 跟住就撕爛咗條牛仔褲, 然後沖涼

條褲冇cake住我任可一部份, 係拉鍊拉唔開. 除極都除唔到, 冇理由著住條褲沖涼架, 咪撕爛佢lor. 呢條褲我第一次著就因為玩滑板仆街磨穿咗…

3) 食雪糕係要一桶桶食, 唔鍾意一碗/杯/筒咁食… 所以去我屋企有雪糕唔好亂食, 可能你會食我口水尾

雪糕就真係食一杯係唔夠既, 一桶食真係爽好多嫁. 好似食爆谷咁, 比一碗你食, 不如唔食好過喇. 最難得既係我咁食又唔會肥. hahahahahahaha

4) 唔鍾意同其他人比賽… 例如打機唔鍾意玩vs, 打波唔鍾意比賽

比賽, 唔係怕輸, 又唔係輸唔起. 反正次次嬴都唔會係因為我既功勞. 同埋我好怕遇到啲人輸咗發脾氣又要串人"符碌",  真係唔明, 點解唔讚吓人地技術好. 好似打機咁, 成日話人地屈機, 慘得過人地可以屈到你, 你勁就係你去屈人啦. 如果有人請我打機, 我都唔介意比人屈吓!

5) 一睇小說就會好眼瞓, 睇多圖少字嘅書會開心好多

多圖少字既書有好多種既, 自己去報紙檔望吓邊啲書個cover係最大幅圖, 最少字既, 我睇呢類書應該會幾開心. 漫畫太多字我都唔想睇. 好似Death Note就係一個例子. 另外係度介紹吓呢本漫畫比大家睇, 叫超無氣力戰隊/激爆五人組. 套漫畫都幾低能同賤格, 不過睇埋佢既對白真係好好笑. 最鐘意佢香港版既中文譯名.

6) 早排因為腳痛去睇醫生, 比醫師鬆完骨之後, 覺得自己高咗

朋友介紹我去睇中醫, 本來諗住腳痛比人灸一兩次就ok, 點之係比人拆骨… 誇張咗… 係幫我撳尾龍骨同拉腳, 跟手貼張大膏藥喺背脊. 成個人直晒, 同埋好鬆, 亦都好似高咗少少. 不過第一次真係好驚… 聽到自己啲骨霹靂啪啦咁響, 真係起晒雞皮~

7) 勁想去太空旅行, 不過上到去有咩可以玩?

成日都行, 又唔識飛, 比我漂吓都得掛. 由小學開始已經想做太空人, 想親眼由地球外面望吓地球有幾圓, 想坐穿梭機, 想漂浮吓, 想上月球踩兩腳, 執舊石返屋企, 想睇吓火星有冇外星人. 希望有生之年可以坐穿梭機, 穿越大氣層.

8) 另外都好想自由行環遊世界, 唔係80日個種

呢樣冇乜特別, 只係唔想返工嘅時候就會諗起…

9) 唔鍾意煙味, 好憎啲人喺條街度噴煙

我唔食煙, 亦都唔會去試. 我阿爸以前食, 不過後來戒咗. 其實點解要食煙呢? 又臭, 又冇益, 不如食朱古力啦. 勁憎啲人食煙唔理身邊嘅人, 成個墳化爐咁周圍噴, 啲死靚仔食煙個樣特別衰. 你地會食煙我阻止唔到, 不過你唔好噴我, 我一定打爆你個咀!

10) 好鍾意食Burger King

漢堡皇呀! 唔記得第一次喺邊度食, 不過好記得喺山頂同機場食過. 山頂個次我嘅印象麻麻… 因為好貴同埋啲飽係凍冰冰. 機場就正喇, 因為要入去拍攝, 有工作證去食飯有員工價, 叫咗一個餐仲可以加多個飽. 去拍三日就食咗三次, 其中有一次係Tea 🙂 之後尖咀(未去試), 炮台山, 灣仔都有開分店, 超開心! 機場麥記被踢走更開心, 大學有得依仲開心 hahahaha.

11 – 16唔打住… 冇心機

11) 對我黎講, 買鞋係一件慘事, 除咗Nike Air嘅波鞋, 著其他鞋行一陣就腳痛

12) 好鍾意影相, 不過影得好差, 不斷退步中

13) 覺得玩UNO係同朋友聚會不可缺少嘅一環, 當你見到有人被Draw28隻又未出過牌, 真係好開心 😛

14) 承上, 玩UNO規則 – 爆粗罰5隻, 不留意牌局罰5隻, 唔認數罰5隻, 誤導其他人罰5隻, 發脾氣罰5隻, 出牌時反牌罰5隻, 分數到達1000時會行刑 hahahahaha

15) 近期開始覺得貓都幾得意

16) 大近視… 超過800度, 所以一除眼鏡就認唔到人

廣告

~ 由 royccm 於 3 二月, 2009.

3 回應 to “16 Random Things About Me”

  1. 我要全部解釋呀!!!!

  2. HI~第一次睇你個blog..多多指教..
    2)第一次著就整穿…好慘..

  3. Welcome~ Emily 🙂

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

 
%d 位部落客按了讚: