祝大家牛年行好運!萬事如意!

新年新開始!開始返新工(頂!之前講咗啦!), 有新嘅工作目標, 認識到新同事(唔包括學生), 唔… 又好似冇乜新嘢… 總之而家可以叫做收入穩定(張contract簽咗, 希望唔係一年就完啦), 又唔使四圍走, 簡簡單單又一日. 諗起08年做嘅幾份工, 又OT, 通頂, 白做, 遊花園, 仲有黑仔到爆嘅事, 09年對我黎講真係妹得多. 起碼唔使擔心仲要搵幾耐工. 可能真係做一年就走, 又或者可以續約, 不過我而家覺得有乜都要做住先, 因為再唔係為自己一個人打算, 係要為另一半, 家人, 將來打算吓. 我一定唔僧好似阿爸咁勁, 一個人頂得住一家4口, 仲要養埋阿嫲, 可能我一早去考警察, 都已經搵到2萬幾蚊人工 – (仲記得Form5嘅暑假, J先生陪我去金鐘交表, 我勁深近視, 個時仲係傻傻下, 連填表都用錯藍色筆, 比人叫我填我次. 交咗表, 要做簡單嘅視力測試, 結果係連第一關都未開始就KO咗… 喺度要多謝Jofa陪我去玩填表… =_=!!!) 不過到今年27歲, 我都係冇去再填表, 考警察. 我想搵我啲錢, 不過唔想好似我阿爸咁. 哈哈, 好矛盾. 我只係想做啲自己有興趣而又可以搵到食嘅工, 呢句嘢比人, 唔止一個人, 話咗好多次. 不過我返呢份工係壓力細咗, 自己真係覺得好輕鬆. 有時做人好似答mc咁, 當每個選擇都唔啱, 呢個唔揀, 嗰個唔揀, 到最後淨底嘅, (我覺得)一定係對你最好嘅選擇 (對做衰嘢唔啱用). 有時見到自己嘅同學已經做緊Manager, 又或者可以買好多新嘢玩, 自己都好恨, 恨有得玩, 有得買, 有得搵幾萬銀一個月. 不過再諗吓人地要付出咁多, 自己又係唔係頂得住. 所以都係要知足.

廣告

~ 由 royccm 於 30 一月, 2009.

4 回應 to “祝大家牛年行好運!萬事如意!”

  1. 其實打咩工、搵幾多錢都唔係最緊要o者,只要自己做得開心,又唔會餓親咁就ok啦!有目標係一件好事,但千祈唔好俾目標困死,我只係想你可以靈活變通一o的,唔使太大壓力。有時命運o既o野係好吊詭,plan o左都唔一定做到,最緊要你知道自己想要o的咩,咁就得啦~唔好諗太多,有時人比人,會比死人o架!只要我地努力o的,我信我地會達到目的!一齊加油啦!!:)

    p.s.改正時間::p
    1) 09年對我黎講真係妹得多 – 係「好」得多
    2) 我一定唔僧好似阿爸咁勁 – 「會」
    3) 比人叫我填我次 – 「多」次
    4) 我想搵我啲錢 – 搵「多」o的錢
    5) 到最後淨底嘅 – 淨「低」

  2. 打錯字, 有人抄嘅話都會抄埋錯字, 我專登打錯嫁hahahahahaha
    (X! 有鬼人抄……)

  3. 快o的改正啦,仲撐!
    抄多10次呀!
    哈哈!:p

  4. HAHAHA~
    🙂

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

 
%d 位部落客按了讚: