零食-馬莎同宜家

零食,其實我好少買,多數都係見到平,屋企就黎冇晒先會入貨。我通常都會買餅,其次係薯片。糖同朱古力比較少,因為食咗都好似冇食過咁。

當我仲喺TeenPower做嘅時候,由於成日要夜晚開工剪片,所以身上都有唔少乾糧。仲記得有一次又係開夜,同Eric,May,仲有…唔記得邊個…食完飯之後去咗買零食,我見到三角朱古力特價,於是買咗三條,普通size…呢三條朱古力一夜間比我"蒸發"咗,而我嘅代價,當然唔會係肥咗幾磅,而係出唔到聲…一次過食三條三角朱古力,之後嗰幾日食咩都唔覺得甜…(part1 end)

講返馬莎同宜家,以前我會去馬莎買兩款餅。第一款係中間有果醬嘅酥皮餅,通常好快食晒。另一款係牛油果醬夾心餅,嗰名我改嘅:P,呢款食一兩塊就會停,可能有牛油啦。不過馬莎嘅餅賣貴咗,加上我又冇乜閒,所以冇去幫襯佢喇。就係咁我去咗宜家買零食。對於我嚟講,宜家嘅選擇實在太少,不過亦都係一件好事。最初係女朋友帶我去食熱狗,我食完又唔飽又想再食嘢,搵緊仲有咩好食嘅時候,比我發現有薯片賣-刁草薯片。呢包薯片賣$20左右,都幾大包吓,味道都唔錯,暫時未搵到有類似嘅味道,唔知點同形容比大家知…如果大家驚肥,可以揀"low fat"版,賣貴少少。$20有一大包薯片食,抵過食卡落D啦!
另外仲有一樣我早一兩日買嘅餅,有橙味同咖啡味。我見到橙味賣咗一半,咖啡味就冇乜人揀。不過,我兩隻都買晒(A:嘩!!! 好勁呀!!!   Roy:多謝~)喂$10一盒,都唔係太貴啦。我試咗咖啡味,唔錯,唔太濃味,餅都幾趣,好啱我!有機會就影張相比大家望吓啦(part2 end)

廣告

~ 由 royccm 於 22 十月, 2008.

4 回應 to “零食-馬莎同宜家”

  1. ?????無字天書???
    咁實唔會有錯字啦~~~hahaha:p

  2. 嘩……3條3角chocolate???? 仲唔會肥添?!……好過份呀!!!
    借問聲,可唔可以過晒俾你呀?……唔係錢呀!係我o的肥膏咋!!!哈哈~

    part 2: 咩o野叫「我又冇乜閒價」呀?仲有宜家幾時變o左做「宜窕嘅選擇」o既???「味度」係味道呀!!豬! :p

    刁草薯片….真係幾好味…..不過我真係無quota再食lu….可惜…~ 仲有o個個$10餅…我唔要橙味呀,你留一塊咖啡味俾我試下o丫~~~

  3. ahahaaa~

  4. 仲有呀….o的字太大啦….
    可能因為個mon細,o係屋企睇都仲好o的,返到公司睇呢…o的字變大o左…..好誇張呀!! :p

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

 
%d 位部落客按了讚: