Katong Laksa . Prawn Mee (noodle)

加東叻沙. 蝦麵
地址: 灣仔謝菲道115號金聲大廈地下D1鋪
電話: 3168 2478

上次去完台灣之後都冇再食過肉骨茶, 喺美食展見到有, 但係因為sales妹妹推銷技巧太差冇買到. 前排開始凍, 唔知痴咗邊條筋, 好想再食… 於是上openrice搵下. 都係Rain搵到, 放工即刻去. 我帶錯路, 兜咗一大個圈先到 鋪頭唔算大間, 不過都多人幫親. 坐位有Sofa有木櫈, 不過張枱好細. 一心諗住食肉骨茶, 梗係唔諗其他啦, Rain就叫咗喇沙.

肉骨茶晚餐包括肉骨茶, 一碗飯, 幾舊油炸鬼, 仲有餐飲及甜品. 好好食, 可能好想食肉骨茶, 全部清晒. 而甜品係芒果西米露, 唔係咁鍾意, 唔知係唔係同肉骨茶唔啱, 食食吓覺得怪怪地(我返到屋企無肚痛嫁). Rain既喇沙就唔知喇, 因為我都冇乜食過. 不過佢飲嗰杯薏米水幾好味

食食吓有位怪客, 又係食肉骨茶, 彈人地啲飯好差, 話人地既肉骨茶好有新加坡風味, 又乜又物… 唔知佢咩料, 啲態度好似食神咁 其實啲飯唔好食可以唔食, 我又唔覺得佢啲飯係難食或者差… 不過餐廳既員工都好有禮貌咁答佢, 係得一位大隻佬員工由我坐低到走都未出過一句聲.

請注意 – 早收鋪, 9點就收…

好耐冇update(又)

我相信不久嘅將來大家都睇得最多嘅都會係”終於update喇”或者”好耐有update”…
10月真係太忙, 忙到波又冇打, 又冇乜出街. 11月開始喇, 終於有IT同事返工, 希望可以鬆一口氣. 不過可惜嘅係, 我7月完成嘅job, 到現在都未收到錢:( 之前做咗嘅job未完, 但係個客人又冇晒聲氣… 唉

2009年好多引誘… Canon出7D, xbox又咁多game玩, 之前嘅job收到錢嘅話(?!)又想買份小禮物做聖誕禮物, 唔知自己忍手仲可以忍到幾時.

上一次同朋友食飯, 講起搵錢結婚嘅問題… 其實係我把握唔到機會定係大家都係咁呢? 好羨慕結咗婚, 買咗樓嘅朋友

平靚正! 萬字夾變電話/相機架

Dean and Ying’s Blog – iPhone Paper Clip Stand.

10月10月10月

快d到10月, 出糧, 出埋份job既糧, 左出埋另一份job既糧. 跟住10月KO埋DVD份job, 11月出埋糧.

成半個月冇update到blog, 都唔知忙乜… 不過學校冇晒IT technician, 我又要搞埋個lab, 整冷氣又叫我, login唔到又叫我, 開唔到燈又叫我. X個燈掣都未開… 其實想搵份輕鬆少少既工jei…

祝大家中秋節快樂!

Flickr Album

因為upload上webshots既相resolution變得好差… 而家用緊flickr… 唔通遲d要自己起server先得??

“Flickr album”

右手面既link都係時候update一下先得